فيه كتير أوي من الافعال اللي ممكن نقوم بيها بيكون ليها عظيم الأثر على اللى حوالينا
ممكن منحسش بالأثر ده وأهميته لما بنعمله بس أكيد بيكون ليه وقعه مهما كان الفعل ده بسيط
ومن هنا جاء حديث رسول الله أن " تهادوا تحابوا " بغض النظر عن شكل الهدية أو قيمتها
ومن عظمة ربنا وكرمه أن يكون أحب الأعمال إليه سرور تدخله على قلب مسلم
فالله عز وجل يضرب لنا أعظم المثل فالعلاقة بيننا وبين الله ليست مجرد أعمال وفرائض يقابلها جنة أو نار بل أن العلاقة أرقى من ذلك بكثير فممكن ان نتفهم أن يكون أحب الأعمال إلى الله الصلاة على وقتها مثلاً أو اعمال مرتبطة بعبادتنا لله إذا نظرنا للموضوع بهذه النظرة من الأصل ولكن العبادة نفسها تنفعنا نحن ولا تزيد من ملك الله شئ ولا تنقصه
ولكن ان يكون احب الاعمال الى الله سرور تدخله على قلب مسلم ، فالله سبحانه وتعالى يعلمنا أهمية عبيده وبيرقي العلاقات فيما بينناً بأن نتقرب إلى الله بالإحسان لغيرنا
وفيه وسائل كتيرة ممكن ندخل بيها السرور على قلب من حولنا حتى إطار النت على الفيك بوس كمثال :)
عن طريق شئ بسيط اسمه like
like ..
مش لازم تعملها لحد عجبك كلامه أو فكره أو رأيه بس
like ..
ممكن تعملها لحد عشان تدعمه .. تشجعه .. تحسسه بيك جنبه
like ..
اذا عملتها لحد بيستغيث او يبدو عليه هم ثقيل أو مصاب بضر حتى لو متعرفوش بتأثر فيه جداً
like ..
بيكون ليها أثر كبير في واحد مثلاً بيطلب دعاء لمتوفى أو دعاء لأمر جلل
like ..
ايجابية .. مش كفاية بس تتابع حاجة وتعجبك أو تأثر بيك أو تنقلها من غير like
like ..
بتفرس أحياناً لما تكون ليها اغراض تانية :)
like ..
خلي بالك منها لما حد يكون عنده مصيبة أو كارثة وتعمله like .. :)
like ..
ابتسامة
like ..
طبطبة ..
0 تعــلــيـــق:
إرسال تعليق