صينية بطاطس الثورة

تماشياً مع لحاف الثورة وشباب الثورة عملت النهاردة صينية بطاطس بالفرن مع الفراخ والمرة دى طلعت احلى من اللى فاتت بس البطاطس مطلعتش ناشفة شوية كما يجب


المقادير :


1- اربع حبات بطاطس كبيرة
2- بصتلين او تلاتة متوسطى الحجم .
3- 3 حبات طماطم متوسطي الحجم .
4- حبة فلفل اخضر كبيررة
5- بهارات ( ملح - فلفل - كمون - مسحوق ليمون - كاري - بتاع كده ملوش اسم )
6- صينية .
7- بوتجاز .
8- مية :))


يتم تنضيف الفرخة الاول وتقطعيها ووضعها في خلطة مكونة من :


( بصل مبشور - بهارات - لمونتين ) لمدة ساعة للناس الفاضية


وبعد ما تعدى الساعة يتم اضافة 2 كوب ماء ووضعه على النار وبئس المصير لمدة نص ساعة وتسلق نص سلقة


ويتم تقطيع البطاطس والبصل والفلفل الى شرائح كبيرة ويتم اضافة بعض من البهارات ليهم ووضعه في صينية


ويتم اضافة بعض من الشوربة بتاع الفراخ للحاجات الحلوة ديه وتتحط على النار من فوق لغاية ما تستوي


وبعد كده تتحط في الفرن لحد ما الشوربة تنشف شوية ويتحرق البطاطس :)


قبل ما ينشف خالص وتتحرق ممكن يتحط الفراخ عليها عشان البطاطس تاخد وش الاول
وبعد كده الفراخ تاخد وش


مع الصوررر

الصينية نايمة

المكونات جاهزة

بعد قليل من التعذيب

عاملة نفسها ميتة

الشوووربة

في قلب الحدث

في لحظاتها الاخيرة

جوا الفرررن

استووووت

نظرة الوداع

والله الموفق .