صينية بطاطس بالفرن+ صور ..

 مع اكلتى المفضلة لانى بعرف اعملها كويس بس صينية بطاطس بالفرن مع الفراخ

المكونات كما بالصور :-

3 بصلات متوسطة الحجم ماركة ارحم دموع عينيا

 4 بطاطسيااات متوسطة الحجم ومتقشرين كويس بدل العك ده

 2 طماطم جامدة او ممكن تلاتة بس لقيت التالتة بايظة

3 بصلات متوسطة الحجم مع تقطيع بضمير وشرائح

 نصف دجاجة او دجاجة كاملة حسب الثقة بالنفس :)) هتطلع حلوة ولا هنبوظ الفراخ

 البطاطس بعد التقطيع شرائح كبيرة شوية

الصينية قبل ما تتحرق :) قصدى قبل ما تدخل الفرن

 او نووووووو لقطة للصينية بعد ما خرجت

الصينية من زاوية تانية على واسع شوية 

الصينة اقرب شوية ولو لاحظتم قطعة الفراخ اللى فوق متاكل منها حتة :)

الصينية من زاوية تالتة  وهى مستلقية على قفاها

الصينية 

ورك الفرخة قطعتى المفضلة

وبالهنا والشفا واللى تعجبه يعزمنى واللى متعبجوش ميقليش

ملاحيظ:

البهارات ممكن تحطوا حبة كده انا كنت هنسى اكتبها زى ما كنت هنسى احطها :))

تقدم ساخنة وتاكل عن طريق الفم :))

من الممكن لبس جوانتى عند الاكل عشان متاكلوش صوابعكم وراها